اسلام آباد(مانیٹرنگ ڈیسک) نجی ٹی وی پروگرام میں سینئر دفاعی تجزیہ نگار نے تہلکہ خیز دعویٰ کر دیا۔ نجی ٹی وی پروگرام میں گفتگو کرتے ہوئے سینئر دفاعی تجزیہ نگار نے کہا کہ ہم ایک بد نصیب قوم ہیں جو اللہ کی دی گئی سزائیں سمجھتے نہیں۔ ہر سانحے کے بعد تھوڑی دیر کیلئے قوم جاگ جاتی ہے اور پھر اس کے بعد وہی جہالت، بد تمیزی اور بے غیرتی شروع ہو جاتی ہے۔ سینئر دفاعی تجزیہ نگار زید حامد نے کہا کہ ایک لاکھ سے زائد پاکستانی دہشت گردی کیخلاف جنگ میں مارے جا چکے ہیں۔اس دہشت گردی کی پشت پر بد ترین پاکستانی دشمن ’’راء‘‘ (بھارت) کا ہاتھ ہے۔ زید حامد نے کہا کہ انڈین نیشنل ایڈوائزری کونسل اجیت کمار ڈوول ٹی وی پر بول چکا ہے کہ ہم تحریک طالبان کے ذریعے پاکستان سے جنگ کر رہے ہیں۔ افغان انٹیلی جنس ادارے پاکستانی دہشت گردوں اور سیاستدانوں سے مل کر افغانستان سے دہشت گرد بھیج رہے ہیں۔
زید حامد نے کہا کہ ہمارے ملک مین بھی بہت کلبھوشن یادیو ہیں جو اس ملک کی جڑوں کو کھوکھلا کر رہے ہیں۔ اس ملک میں محمود اچکزئی جیسے لوگ بھی ہیں جو رینڈیس سے پیسے لے کر ملک میں بغاوت کر رہے ہیں۔ اس ملک میں ایسے جج بھی ہیں افتخار چوہدری جیسے جن کے بارے میں تحریک طالبان افغانستان یہ کہتی ہے کہ پاکستان میں ہمارا کوئی دوست ہے تو وہ افتخار چوہدری ہیں۔ زید حامد نے کہا کہ یہ یہاں پر جیو جیسے ٹی وی چینل بھی ہیں جو دہشت گردوں کو ایئر ٹائم دیتے ہیں اور ان کی حوصلہ افزائی بھی کرتے ہیں۔ ایک دن قبل ہی حامد میر نے کشمیر میں جاری تحریک آزادی کو بلوچستان میں جاری دہشتگردی سے ملا دیا جس میں حامد میر نے کہا کہ اگر کشمیر میں تحریک آزادی ہے تو پاکستانی فوج بلوچستان میں کیوں تحریک آزادی کو کچل رہی ہے؟ زید حامد نے کہا کہ لوگ کیسے کہتے ہیں کہ ہمیں غداروں کے نام معلوم نہیں ۔ یہ خون کس کے ہاتھوں سے ٹپک رہا ہے اور یہ دھماکہ کس نے کروایا ہے سب نظر آ رہا ہے۔