لاہور(نیوزڈیسک)”ڈاکوکونسلر“ن لیگ کےلئے نئی مشکلات شروع ہوگئیں ،خادم اعلی پریشان الیکشن کمشن اور پنجاب حکومت نے لاہور سے نومنتخب گرفتار کونسلر کے ڈکیتی میں ملوث ہونے کا علم ہونے کے بعد پنجاب بھر سے منتخب ہونے والے بلدیاتی نمائندوں کے ’’ماضی‘‘ کی چھان بین کرانے کا فیصلہ کر لیا۔ اس حوالے سے طریق کار پر غور کیا جا رہا ہے۔ واضح رہے کہ لاہور سے کامیاب ہونے والے مسلم لیگ (ن) کے کونسلر نوید طاہر کو پولنگ ڈے سے قبل پولیس نے ڈکیتی کے الزام میں گرفتار کرکے لوٹی گئی رقم برآمد کی تھی اور پولیس کی حوالات میں موجود یہ ڈاکو 31 اکتوبر کو انتخاب جیت گیا۔ اس مثال کے سامنے آنے کے بعد الیکشن کمشن اور پنجاب حکومت تمام منتخب ارکان کے بیک گرائونڈ کی چھان بین کا طریق کار طے کر رہے ہیں۔