کراچی(نیوزڈیسک)قانون نافذکرنے والے اداروں کے مطابق کراچی میں سیاسی جماعتیں، پولیس اور کے ڈی اے قبضہ مافیاکی سرپرست ہیں۔ شہر میں اسکولوں، پارکوں، نالوں اور کھیل کے میدانوں پر قبضوں کے حوالے سے قانون نافذکرنے والے اداروں کی جانب سے جاری کی رپورٹ کے مطابق ایم کیوایم ، پیپلزپارٹی اورمسلم لیگ (ن) کی سرپرستی میں قبضہ مافیا سرگرم ہے جبکہ پولیس اور کے ڈی اے کی سرپرستی بھی قبضہ مافیا کو حاصل ہے ۔تفصیلات کے مطابق غریب کی ماں کہلانے والے کراچی میں غریبوں کیلئے سیاسی جماعتوں، پولیس کی کالی بھیڑوں اور کے ڈی اے افسران نے زمین تنگ کر دی ہے۔قانون نافذ کرنے والے ادارے کی جانب سے اسکولوں، پارکوں ، نالوں اور کھیل کے میدانوں پر قبضوں کی فہرست میں سنسنی خیز انکشافات سامنے آئے ہیں۔ فہرست کے مطابق قبضہ مافیا کے معاون کے ڈی اے ڈائریکٹر جاوید منگی کو قتل کیا جا چکا ہے۔سابق لینڈ ڈائریکٹر مبین، کورنگی سوک سینٹر کے ریکارڈ کا انچارج راشد، سابق ڈپٹی کمشنر کورنگی زبیر اور مختیار کار محمود قاضی قبضہ گروپوں کے معاون ہیں جبکہ سابقہ ایس ایچ او بشیر واڑھو، پولیس اہلکار یار محمد، نذیر، مراد اور اے ایس آئی عبدالرحمان بھی قبضہ مافیا کے کارندے رہے۔فہرست میں ایم کیو ایم کورنگی سیکٹر کے سابقہ انچارج رئیس عرف مماکو قبضہ مافیا کا سرغنہ قرار دیا گیا ہے جبکہ کورنگی چکرا گوٹھ میں پولیس بس پر حملے کے الزام میں گرفتار کامران عرف مادھوری بھی قبضوں میں ملوث رہا ہے۔ ایم کیو ایم کی جانب سے سب سے زیادہ قبضے کورنگی، کورنگی انڈسٹریل ایریا، زمان ٹاﺅن اور عوامی کالونی سمیت مختلف علاقوں میں کیے گئے۔پیپلزپارٹی بھی قبضوں کی سرپرستی کرتی رہی ہے۔ جیکسن، موچکو، ملیر اور اتحاد ٹاﺅن کی سرکاری اراضی ہڑپ کر لی گئی۔ جماعت اسلامی کی سرپرستی میں شاہ لطیف ٹاﺅن میں قبضے کیے گئے، عوامی نیشنل پارٹی نے سعید آباد، شرافی گوٹھ، اتحاد ٹاﺅن، سکھن اور بن قاسم میں قبضے کیے۔فہرست میں یہ بھی انکشاف ہوا ہے کہ مسلم لیگ(ن)کی سرپرستی میں سمندر کنارے زمین پر قبضہ ہوا جبکہ جئے سندھ قومی محاذ اور جاموٹ گروہ بھی سچل اور ابراہیم حیدری کی سرکاری زمینیں ہڑپ کر چکے ہیں
کراچی ،ایم کیوایم ،پی پی اورن لیگ کی سرپرستی میں قبضہ مافیا،خفیہ اداروں کی رپورٹ
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































