اسلام آباد(نیوزڈیسک ) وزیر دفاع خواجہ آصف نے کہا ہے کہ ہندوستان یاد رکھے کہ پاکستان ایٹمی قوت ہے اور ‘ہم نے ایٹم بم شب برات پر پٹاخے چلانے کے لئے نہیں رکھے۔اسلام آباد میں ایک کتاب کی تقریب رونمائی سے خطاب کرتے ہوئے خواجہ آصف نے کہا کہ ہندوستان اشتعال انگیز بیان بازی کرکے پاکستان کی دہشت گردی کے خلاف جاری جنگ سے توجہ ہٹانا چاہتا ہے۔ پاکستان اشتعال انگیز بیانات اور دھمکیوں سے اقوام متحدہ کے سیکرٹری جنرل بان کی مون کو آگاہ کردیا ہے۔انہوں نے کہا کہ رواں سال ہندوستان کی تین ریاستوں میں انتخابات ہونے جارہے ہیں جس کے لیے پاکستان مخالفت کا کارڈ استعمال کیا جارہا ہے۔وزیر دفاع کا کہنا تھا کہ چین پاکستان اقتصادی راہداری کا منصوبہ خطے سے امریکا اور ہندوستان کی بالادستی کا خاتمہ کرے گا اور اس منصوبے سے پورے خطے کے معاشی اور سیکیورٹی حالات یکسر بدل جائیں گے۔امریکی پالیسیوں پر کڑی تنقید کرتے ہوئے وزیر دفاع نے کہا کہ افغانستان اور عراق کی جنگوں میں ناکامی امریکا کی خارجہ پالیسی کی ناکامی کا منہ بولتا ثبوت ہے۔انہوں نے کہا کہ امریکا اپنی خارجہ پالیسی ہمیشہ اپنے مفاد کے لیے بناتا ہے۔وزیر دفاع نے تسلیم کیا کہ پاکستان نے سویت یونین کو توڑنے کی جنگ میں امریکا کا ساتھ دے کر بڑی غلطی کی اور اس کا آج غلطی کا خمیازہ بھگت رہے ہیں۔خواجہ آصف نے کہا کہ مشرق وسطیٰ کے موجودہ ممالک مغرب کی سازشوں کی نتیجے میں وجود میں آئے ہیں۔ اس وقت مشرق وسطیٰ کی بادشاہتوں میں لرزہ طاری ہے۔انہوں نے کہا کہ یمن جنگ میں حصہ نہ لینا پاکستان کے مفاد میں تھا۔خواجہ آصف نے کہا کہ جب سعودی عرب کو دفاع کی ضرورت پڑی پاکستان حاضر ہوگا۔وزیر دفاع نے پرائیوٹ ٹی وی چینلز کو بھی شدید تنقید کا نشانہ بنایا اور کہا کہ پاکستان میں ٹی وی چینل کاروباری چینل بن چکے ہیں۔ پاکستانی میڈیا کو کمرشل ازم اور نیشنل ازم میں فرق رکھنا ہوگا۔ان کا کہنا تھا کہ میڈیا وہ دکھاتا ہے جو بکتا ہے، کشمیر کی جدوجہد آزادی کو کیوں نہیں دکھایا جاتا۔
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































