لاہور (نیوزڈیسک)لاہور میں لبرٹی مارکیٹ کے مشہور سوپر اسٹور کی عمارت میں آگ لگ گئی ہے۔ تفصیلات کے مطابق لاہور میں لبرٹی مارکیٹ کے سوپر اسٹور کی عمارت میں آگ لگی ہے، جس نے اب بے قابو ہونے کے بعد دیگر منزلوں کو بھی اپنی لپیٹ میں لے لیا ہے۔ فائر بریگیڈ کی8 گاڑیاں آگ بجھانے میں مصروف ہیں۔ ریسکیو ذرائع کے مطابق سوپر اسٹور کی عمارت کی پہلی منزل سے دوسری منزل پر آگ پہنچ چکی ہے، اب آگ 6منزلہ عمارت کے دیگر فلورز تک پھیلنے لگی ہے، عمارت کی پہلی منزل پر کچھ لوگ رہائش پذیر بھی ہیں اور ان میں پھنسے افراد کو نکالنے کی کوشش کی جارہی ہے۔ پلازہ کے مالک کا کہنا ہے کہ آگ صبح ساڑھے 5بجے پہلی منزل پر شارٹ سرکٹ کے باعث لگی اور مزید پھیلنے کا خدشہ ہے، پہلی منزل پر کراکری اور دوسری منزل پر کھلونے اور گارمنٹس ہیں۔ پلازہ کے مالک نے مزید بتایا کہ پلازہ کے اندر کوئی شخص پھنسا ہوا نہیں ہے۔