اسلام آباد(آن لائن) پیٹرول بحران کا ذمہ دار کون، تحقیقاتی کمیٹی نے رپورٹ وزیراعظم کو پیش کر دی۔ ذرائع کے مطابق رپورٹ میں کہا گیا ہے کہ نجی آئل مارکیٹنگ کمپنیاں بحران کا باعث بنیں۔ رپورٹ میں کہا گیا ہے کہ پیٹرول پمپس کو جان بوجھ

کر سپلائی روکی گئی۔ رپورٹ میں کہا گیا ہے کہ کمپنیوں کے پاس ذخیرہ ہونے کے باوجود مصنوعی بحران پیدا کیا گیا۔ رپورٹ میں کہا گیا ہے کہ وزارت پیٹرولیم اور ڈی جی آئل پیٹرول کی دستیابی یقینی بنانے میں ناکام رہی۔رپورٹ میں کہا گیا ہے نجی مارکیٹنگ کمپنیوں کے ذخیرے کی جانچ پڑتال کی گئی۔رپورٹ میں کہا گیا ہے کہ پٹرول بحران کے دوران کمپنیوں کے پاس ذخیرہ وافر مقدار میں موجود تھا۔ رپورٹ میں کہا گیا ہے کہ بحران کے دوران حکومتی اداروں نے کمپنیوں کے ذخیرے کی جانچ پڑتال نہ کی۔ رپورٹ میں کہا گیا ہے کہ تحقیقاتی کمیٹی نے بحران کے ذمہ داران کا تعین کر دیا ہے رپورٹ میں کہا گیا ہے کہ کمیٹی نے ذمہ داران کے خلاف سخت کاروائی کی سفارش کر دی۔