تہران (این این آئی )ایران نے باضابطہ طور پر اعلان کیاہے کہ کرونا وائرس سے ملک میں اموات کی تعداد 20،000 سے تجاوز کر چکی ہے۔ دوسری طرف حکام نے ایران میں خزاں کے دوران کرونا میں تیسری لہر کے پھیلنے کی وارننگ دی ہے۔غیرملکی خبررساں ادارے کے مطابق ایرانی وزارت صحت کے اعداد و شمارمیں بتایاگیاکہ ایران میں گزشتہ روز کرونا کی ہلاکتوں
کی تعداد 20 ہزار سے زیادہ ہوگئی ہے۔ گذشتہ 24 گھنٹوں کے دوران مزید 1544 افراد کی کرونا سے موت واقع ہوئی۔ اس کے علاوہ 2444 نئے کیسز سامنے آئے ۔ اس طرح ایران میں کرونا سے ہلاک ہونے والوں کی کل تعداد 20125 تک جا پہنچی ہے جب کہ متاثرین کی تعداد 3 لاکھ 47 ہزار 835 ہوچکی ہے۔ کرونا متاثرین میں 3868 مریضوں کی حالت خطرے میں بتائی جاتی ہے۔
