واشنگٹن (آن لائن) امریکا میں لاک ڈاون اور بڑھتی ہوئی بے روزگاری کی وجہ سے لوگ قوتِ مدافعت کے حصول کے لیے جان بوجھ کر خود کو کورونا وائرس لگوانے کی کوشش کر سکتے ہیں۔ ملکی میڈیا کے مطابق صحت عامہ کے حکام کا کہنا ہے کہ لوگ کورونا وائرس لگوانے کے لیے خصوصی پارٹیز کا اہتمام کر سکتے ہیں۔ امریکا سب سے زیادہ کورونا ٹیسٹ کرنے والا ملک بن گیا۔امریکا میں اس طرح کا رجحان پہلے ہی موجود ہے کہ لوگ خود

کورونا وائرس لگوانے کی کوشش کریں تاکہ وہ اپنے اندر قوتِ مدافعت پیدا کر سکیں۔حکام کا کہنا ہے کہ ایسے لوگوں کی نشاندہی ہوئی ہے جنہیں کورونا سماجی تقریب سے لگا ہے، لیکن فی الحال ایسے کوئی شواہد نہیں کہ یہ تقریب خاص طور پر کورونا وائرس لگوانے کے لیے منعقد کی گئی ہوں۔واضح رہے کہ امریکا میں چکن پاکس کی ویکسین ا?نے سے پہلے چکن پاکس پارٹیز کا اہتمام کیا جاتا تھا تاکہ جان بوجھ کر جراثیم کا سامنا کیا جا سکے۔