اسلام آباد(مانیٹرنگ ڈیسک)کورونا وائرس کے باعث سعودی عرب میں پھنس جانے والےعمرہ زائرین جن کے ویزے کی مدت ختم ہو چکی ، ان کے لیے خصوصی رعایت کا اعلان کردیا گیا، وزارت نےمتعلقہ اداروں کے اشتراک سے جامع منصوبہ مرتب کیا ہے۔

جس کے تحت ایسے عمرہ زائرین جو سفری پابندی کے باعث وقت مقررہ پر اپنے ملک نہ جاسکے ان پر عائد جرمانے معاف کر دیے جائیں گے۔ ایسے زائرین اپنےعمرہ ویزے کی میعاد کی خلاف ورزی پر جرمانے اور قانونی گرفت سے بچنے کے لیے مہلت کی درخواست دے سکتے ہیں وزارت حج و عمرہ کا کہنا ہے کہ عمرہ ویزہ کی پابندی نہ کرسکنے والے زائرین 28 مارچ 2020، چار شعبان 1441ہجری تک وزارت کی ویب سائٹ پر اپنی تفصیلات درج کرائیں، متعلقہ ادارے عمرہ زائرین کو ان کے وطن تک سفر کی سہولت فراہم کریں گے، ہر زائر کو سسٹم میں درج اس کے ٹیلی فون پر ایس ایم ایس بھیجا جائے گا جس پر اس کی پرواز اور سفر کی تفصیلات درج ہوں گی ،وزارت حج وعمرہ نے خبردارکیا ہے کہ اگر عمرہ زائرین نے اس مہلت سے فائدہ نہ اٹھایا تو ایسی صورت میں انہیں قانون کے مطابق انتہائی سزا دی جائے گی۔

موضوعات:کورونا وائرس