واشنگٹن(این این آئی) امریکی فوج نے بغداد میں امریکی سفارت خانے کی سیکیورٹی انتہائی سخت کر دی ہے ،غیرملکی خبررساں ادارے کے مطابق امریکی فوجی عہدیدار نے بتایا کہ تقریبا 750 امریکی فوجی بغداد میں واقع واشنگٹن کے سفارتخانے پہنچ گئے ہیں۔ انہوں نے مزید کہا کہ یہ فوجی میرینز کی مدد کے لیے امریکی سفارتخانے
جائیں گے۔خیال رہے کہ بغداد میں امریکی سفارتخانے پر گذشتہ منگل کو عوام کے ایک مشتعل ھجوم نے حملہ کردیا تھا۔ سفارت خانے پردھاوا بولنے والوں میں الحشد الشعبی ملیشیا اور عراقی حزب اللہ کے عناصر تھے۔ اس سے دو روز قبل عراق اور شام میں امریکی فوج کی بمباری میں شیعہ ملیشیا کے درجنوں جنگجو ہلاک اور زخمی ہوگئے تھے۔
