ولنگٹن( یوپی آئی) نیوزی لینڈ کی وزیراعظم جسنڈ آرڈرن نے کہا ہے کہ مسجد پر حملے سے 9منٹ پہلے سکیورٹی ایجنسیوں کو اطلاع مل چکی تھی لیکن حملہ آور پولیس سے پہلے پہنچ گیا۔ نیوزی لینڈ کی وزیر اعظم جسنڈا آرڈرن نے خطاب کرتے ہوئے کہا کہ مسجد میں مسلمانوں کا قتل عام شدت پسندی ہے اور بہت افسوس ناک واقعہ ہے، ہم واقعہ کی مکمل تحقیقات کر رہے ہیں اور مجرم کو قانون کے مطابق سزا ملے گی۔ انہوں نے کہا کہ ایسے واقعات امن کے قیام کی راہ میں ر کاوٹ ہیں اور مسلمانوں کے

خلاف دہشت گردی افسوس ناک اور کابلِ مذمت ہے، انکا مزید کہنا تھا کہ کرائسٹ چرچ جیسے واقعات کی روک تھا کے لیے منصوبہ بندی کر رہے ہیں ملک میں اسلحہ رکھنے کے لیے قوانین میں بھی ترامیم کی جائیں گی۔مستقبل میں ایسے واقعات کی روک تھام کے لیے نئے سرے سے منصوبہ بندی کی جائے گی۔یاد رہے کہ جمعہ کے روز نیوزی لینڈ کے شہر کرائسٹ چرچ میں ایک سفید فام دہشت گرد نے دو مسجدوں میں فائرنگ کی جس سے مسجد النور میں50نمازی شہید ہو گئے جن میں 9پاکستانی ہیں۔