نیروبی (این این آئی)ایتھوپین ایئر لائنز کا مسافر طیارہ عدیس بابا سے کینیا کے دارالحکومت نیروبی جاتے ہوئے حادثے کے باعث گر کر تباہ ہوگیا۔ طیارے میں 149 مسافر اور عملے کے 8 افراد سوار تھے،حادثے کی وجوہات فوری طور پر سامنے نہیں آسکیں میڈیارپورٹس کے مطابق ایتھوپیا کے وزیراعظم نے کہا کہ ایتھوپیا کے عوام اور حکومت کی جانب سے وزیراعظم ہاؤس، ایتھوپین ایئر لائنز کے بوئنگ 737 طیارے کے گر کر تباہ ہونے کے واقعہ پر
اس میں سوار افراد کے اہل خانہ سے گہرے دکھ اور تعزیت کا اظہار کرتے ہیں۔ایئرلائنز کے ترجمان نے برطانوی خبر رساں ادارے کو بتایا کہ طیارے میں 149 مسافر اور عملے کے 8 افراد سوار تھے۔ترجمان نے اپنا نام ظاہر نہ کرنے کی درخواست پر بتایا کہ حادثہ مقامی وقت کے مطابق صبح 8 بجکر 44 منٹ پر پیش آیا۔خیال رہے کہ حادثے کی وجوہات فوری طور پر سامنے نہیں آسکیں۔نجی ٹی وی کے مطابق واقعے میں تمام مسافر ہلاک ہو گئے ہیں۔
