اسلام آباد(مانیٹرنگ ڈیسک)سعودی عرب پریمن  کی جانب سے  چار بیلسٹک میزائل داغ دئیے گئے تاہم سعودی دفاعی نظام نے صوبہ جزان میں داغے گئے چاروں میزائل ناکارہ بنادیئے جبکہ ناکارہ بنائے گئے میزائلوں کا ملبہ گرنے سے ایک شخص جاں بحق ہوگیا۔حکام  کے مطابق یمن میں حوثی باغیوں کی طرف سے داغے گئے میزائلوں کا ہدف جزان کے شہری علاقے تھے،

چاروں ہی میزائل مقامی وقت کے مطابق 10بج کر چالیس منٹ پر فائر کیے گئے تاہم خوش قسمتی سے فضاءمیں ہی ناکارہ بنادیئے گئے ۔عرب اتحاد کے ترجمان کرنل ترکی المالکی نے بتایاکہ میزائلوں کا ہدف جزان شہر تھا اور باغیوں نے ارادتاً سویلین آبادی اور شہریوں کو نشانہ بنانے کی کوشش کی تاہم سعودی ایئرڈیفنس فورسز نے ان تمام کا سراغ لگا کر فضاءمیں ہی تباہ کردیا ہے۔

موضوعات:سعودی عرب