اسلام آباد (این این آئی)محکمہ موسمیات نے ہفتہ کی رات سے 21 دسمبر کے دوران ناران، کاغان، چترال، دیر، سوات، کوہستان، مانسہرہ، ایبٹ آباد، شانگلہ، گلگت، استور، ہنزہ، اسکردو، مری، گلیات، وادی نیلم، باغ، پونچھ اور حویلی میں لینڈ سلائیڈنگ اور برفباری کے باعث سڑکوں کی بندش اور پھسلن کے باعث ٹریفک کی روانی متاثر ہونے کا خدشہ ظاہر کیا ہے۔محکمہ موسمیات کے مطابق آئندہ 24 گھنٹوں کے دوران شمالی و مغربی بلوچستان، خیبر پختونخوا، گلگت بلتستان،کشمیر، اسلام آباد اور خطہ پوٹھوہار میں تیز ہوائوں کے ساتھ بارش اور پہاڑوں پر برفباری کا امکان ہے۔ ملک کے دیگرعلاقوں میں موسم سرد اور مطلع جزوی ابر آلود رہیگا۔ مشرقی پنجاب اور بالائی سندھ کے اضلاع میں دھند/سموگ چھائے رہنے کی توقع ہے۔

گذشتہ 24 گھنٹوں کے دوران ملک کے بیشتر علاقوں میں موسم سرداور مطلع جزوی ابر آلودرہا۔ پنجاب ، اوربالائی سندھ کے بعض اضلاع میں دھند /سموگ چھائی رہی۔تاہم جنوب مغربی بلوچستان میں چند مقامات پر بارش ہوئی۔سب سے زیادہ بارش بلوچستان:قلات 13، جیوانی 09، گوادر 08، نوکنڈی 05، دالبندین 03،ژوب، کوئٹہ ، پنجگور 02،تربت میں ایک ملی میٹر بارش ریکارڈ ہوئی۔ہفتہ کو ریکارڈ کئے گئے کم سے کم درجہ حرارت : لہہ منفی 04، بگروٹ، گوپس منفی 02، اسکردومنفی01، قلات، پاڑاچنارمیں 00 ڈگری سینٹی گریڈ ریکارڈ کیا گیا ۔