بیجنگ (آئی این پی/زنہوا )چین کے صدر شی جن پھنگ نے چینی سفارتکاروں کیلئے رہنما اصولوں متعین کئے ہیں اور کہا ہے کہ انہیں چاہئے کہ وہ بیرون ملک اپنی پیشہ وارانہ ذمہ داریاں انجام دیتے ہوئے پارٹی ڈسپلن کی پیروی کریں ،عظم عوامی حال میں یہاں چینی سفارتکاروں کے گروپ سے خطاب کرتے ہوئے انہوں نے کہا کہ پارٹی ،ملک اور عوام سے کلی وفاداری سفارتکاروں کی جڑ اور روح ہے ۔انہوں نے کہا کہ

سفارتکاروں کو چاہئے کہ وہ سیاسی وفاداری میں اضافے ، عمومی تصویر کو بہتر طورپر سمجھنے کو ترقی دینے ،چین کی کمیونسٹ پارٹی کی مرکزی کمیٹی کی اہم قیادت کی پیروی اور سی پی سی کی مرکزی کمیٹی کی پالیسیوں پر تسلسل سے عمل کے بارے میں شعور کو سربلند رکھنا چاہئے ۔انہوں نے کہا کہ سفارتکاروں کو چاہئے کہ وہ سی پی سی کی مرکزی کمیٹی کی اتھارٹی اور متحدہ قیادت کو سختی سے برقراررکھیں ، پارٹی کی سفارتی پالیسی پر پوری طرح عملدرآمد کیا جائے ، قومی مفادات اوراحترام کا تحفظ کیا جائے اور عوام کی خدمت کیلئے کام کیا جائے ۔انہوں نے کہا کہ چینی خصوصیات والی اشتراکیت نئے دور میں داخل ہو چکی ہے۔انہوں نے کہاکہ سفارتکاروں کیلئے یہ لازم ہے کہ وہ سی پی سی 19ویں قومی کانگریس کی روح کو سمجھے ۔انہوں نے کہا کہ جب تک چینی عوام اپنے مقاصد پر قائم رہیں گے اور چینی خصوصیات والی سوشلزم کی راہ پر گامزن رہیں گے تو ملک یقینا زیادہ خوشحال ہو گا ۔انہوں نے اس بات پر زوردیا کہ سفارتکاروں کو چاہئے کہ وہ اپنی حقیقی امنگوں ،تخلیقی اور جدید ہونے اور پارٹی و ملک کی ترقی کیلئے زیادہ کوششیں کرنے سے مخلص ہونا چاہئے ، سفارتکاروں کو چاہئے کہ وہ بنی نوع انسان کی مشترکہ تقدیر والی برادری کی تعمیر کے لئے کوششیں کریں۔انہوں نے مزید کہا کہ سفارتی کوششوں کے ذریعے چین کے ’’دوستوں کے حلقے ‘‘ کو بڑھاتے رہنا چاہئے ۔