ریاض (آئی این پی)وزیراعظم نوازشریف کے دورہ سعودی عرب کے دوران سینئر قانون دان اکرم شیخ ایڈوکیٹ اور عمران خان کے کزن حفیظ اللہ نیازی بھی انکے ہمراہ ریاض پہنچے ہیں۔تفصیلات کے مطابق اتوار کو وزیراعظم نوازشریف پہلے امریکا عرب اسلامک سمٹ میں شرکت کے لیے 3 روزہ سرکاری دورے پر سعودی عرب پہنچے انکے ہمراہ سینئر قانون دان اکرم شیخ ایڈوکیٹ اور عمران خان کے کزن حفیظ اللہ نیازی بھی ریاض پہنچے ہیں۔

ریاض کے گورنر اور دیگر اعلیٰ سعودی حکام نے ایئرپورٹ پر وزیراعظم کا استقبال کیا۔واضح رہے کہ سینئر قانون دان اکرم شیخ ایڈوکیٹ پاناما کیس کے پہلے مرحلے میں حسین نواز کے وکیل تھے اور انھوں نے قطری خط پیش کیا تھا تاہم بعد ازں انھیں تبدیل کرکے سلمان اکرم راجہ کو وکیل مقرر کیا گیا تھا۔وزیراعظم کے ہمراہ سعودی عرب جانے والے حفیظ اللہ نیازی عمران خان کے قریبی عزیز اورکزن ہیں جو اپنے کالموں میں عمران خان کو تنقید کا نشانہ بناتے رہتے ہیں۔

موضوعات:سعودی عرب عمران خان