ریاض(مانیٹرنگ ڈیسک) سعودی حکومت نے اقامہ و محنت حج و عمرہ حروف و زیارة اور ٹرانزٹ کے قوانین کی خلاف ورزی کرنے والوں کو اصلاح حال اور بلا جرمانہ وطن واپسی، سزاؤں سے معافی اور ملازمت کے ویزے پر مملکت واپسی کا موقع فراہم کرنے کیلئے 90دن کی مہلت دیدی۔ عملدرآمد یکم رجب 1438ھ مطابق 29مارچ 2017ءسے ہوگا۔ ولی عہد ، نائب وزیراعظم و وزیر داخلہ شہزادہ محمد بن نایف نے اتوار کو ریاض کے اپنے دفتر سے شاہی مہلت کا اعلان کرتے ہوئے واضح
کیاکہ خادم حرمین شریفین شاہ سلمان بن عبدالعزیز نے ”غیر قانونی مقیمین سے پاک وطن “ مہم کی منظوری دیدی۔ کفیل خروج نہ لگوائے تو شعبہ ترحیل میں ایگزٹ لگوایا جاسکے گا، مہلت کے دوران سفر نہ کرنے والے سے جرمانہ اور فیس وصول کی جائے گی، ترجمان وزار ت داخلہ کا بیانوزارت داخلہ نے کہا ہے کہ عام معافی کے دوران جانے والے غیر قانونی تارکین وطن دوبارہ کسی بھی ویزے پر مملکت آسکتے ہیں ۔ مہلت کے دوران وطن لوٹنے والوں پر کسی قسم کا جرمانہ عائد نہیں کیا جائیگا ۔
