اسلام آباد(مانیٹرنگ ڈیسک)برطانوی جریدے نے پاک فوج کی ایس ایس جی کمانڈوز فورس کو دنیا کی 8 بہترین فورسز میں سے ایک قرار دے دیا ہے۔ تفصیلات کے مطابق ایک برطانوی جریدے کی جانب سے دنیا کی بہترین کی فورسز کی فہرست ترتیب دی گئی ہے۔ اس فہرست میں پاکستان کی ایس ایس جی کمانڈوز فورس کو بھی شامل کیا گیا ہے۔ اس فہرست میں امریکا، برطانیہ، فرانس، اسپین اور اسرائیل کی خصوصی فورسز بھی شامل ہیں۔ تاہم اس فہرست میں کوئی بھارت فورس شامل نہیں۔

جریدے نے پاکستان سپیشل سروسز گروپ المعروف ایس ایس جی کو اس کی دس خصوصیات کی بناءپر اس اعزاز کا حقدار قرار دیا ہے۔ان خصوصیات میں سپیشل آپریشنز، غیرروایتی حربی صلاحیت، فارن انٹرنل ڈیفینس، براہ راست ایکشن، مغویوں کو بازیاب کرانا، دہشتگردوں کے خلاف کارروائی اور خصوصی دیکھ بھال سمیت دیگر شامل ہیں۔