برلن(آئی این پی)جرمنی میں پولیس نے منشیات سے بھرے 2ایرانی ٹرکوں کو قبضے میں لینے کا دعویٰ کیا ہے ۔غیر ملکی میڈیاکے مطابق جرمنی میں پولیس نے منشیات سے بھرے2 ایرانی ٹرکوں کو قبضے میں لے لیا ہے ۔ ٹرکوں میں موجود ہیرئن کو مختلف یورپی ممالک میں تقسیم کیا جانا تھا۔جرمن ریڈیو ” ڈوئچے ویلے” کے
مطابق پولیس نے ترکی سے آنے والے مذکورہ دونوں ٹرکوں کو منگل کی شام قبضے میں لیا جب کہ ان کے ایرانی ڈرائیوروں کو بھی حراست میں لے لیا گیا جن کی عمریں 37 اور 41 برس ہیں۔پولیس کی جانب سے تربیت یافتہ کتوں کی مدد سے تلاشی لینے پر دونوں ٹرکوں سے 150 کلو گرام ہیرئن برآمد ہوئی جس کی مالیت لاکھوں یورو بنتی ہے۔
