نئی دہلی(آئی این پی) بھارتی وزیر سمرتی ایرانی اس وقت مشکل کا شکار ہوگئیں جب ایک تقریب کیلئے جاتے ہوئے ان کی چپل ٹوٹ گئی اور انہیں مجبورا سڑک کنارے بیٹھے ایک موچی سے اپنی چپل کی مرمت کروانی پڑی،موقع پر موجود افراد نے واقعہ کی ویڈیو بنا کر انٹرنیٹ پر اپ لوڈ کردی جو وائرل ہوگئی اور اسے متعدد بار دیکھا گیا۔بھارتی میڈیا کے مطابقسابق بھارتی اداکارہ اور وزیر سمرتی ایرانی نئی دہلی سے تامل ناڈو کے ایک شہر پہنچیں جہاں انہیں ایک تقریب میں شرکت کرنی تھی۔ لیکن آدھے راستے میں ان کی چپل ٹوٹ گئی۔ مجبورا انہیں سڑک کنارے بیٹھے ایک موچی سے اپنی چپل کی مرمت کروانی پڑی۔موچی نے ان کی چپل مرمت کرنے کا معاوضہ صرف 10 روپے طلب کیا لیکن سمرتی نے کمال سخاوت سے اسے 100 روپے عنایت کیے۔موقع پر موجود افراد نے واقعہ کی ویڈیو بنا کر انٹرنیٹ پر اپ لوڈ کی جہاں یہ وائرل ہوگئی اور اسے متعدد بار دیکھا گیا۔واضح رہے کہ سمرتی ایرانی انڈین ڈراموں کی مشہور اداکارہ ہیں تاہم سنہ 2014 کے عام انتخابات میں انہوں نے بی جے پی کے ٹکٹ پر الیکشن لڑا جہاں سے فتح یاب ہو کر وہ راجیہ سبھا کی رکن منتخب ہوئیں۔ بعد ازاں انہیں یونین منسٹر مقرر کردیا گیا۔‎

موضوعات:ایرانی تقریب بھارتی وزیر چپل ٹوٹ گئی