واشنگٹن(این این آئی)نومنتخب امریکی صدرڈونلڈ ٹرمپ کی بیٹی ایوانکا ٹرمپ نے مختلف حلقوں کی جانب سے تنقید کے بعد اپنا بزنس اور سوشل میڈیا اکاؤنٹس والد سے الگ کر لئے ۔غیرملکی خبررساں ادارے کے مطابق ایوانکا کثرت کے ساتھ اپنے والد نومنتخب امریکی صدرڈونلڈ ٹرمپ کے ساتھ نظر آرہی تھیں جس کے بعد تنقید ان پر بڑھ گئی تھی۔علیحدگی کا یہ بیان ان کے ٹویٹر اکاؤنٹ پر ظاہر ہوا جس میں ایوانکا کی ٹیم نے کہا کہ اب یہ صرف ذاتی استعمال کیلئے ہو گا۔
جیکہ دوسری جانب ایک جرمن ادارے کا کہنا ہے کہ امریکا میں ڈونلڈ ٹرمپ کی کامیابی سے جرمن اقتصادیات کی ترقی اور افزائش پر کوئی منفی اثر مرتب نہیں ہوا۔ جرمن شہر میونخ میں قائم اکنامک انسٹیٹیوٹ نے رپورٹ کیا ہے کہ دسمبر میں جرمن مارکیٹوں کے کاروبار مال کی کھپت میں اضافے کے واضح اشارے سامنے آئے ہیں۔ ادارے کے اس رپورٹ میں بتایا گیا کہ نومبر میں کاروباری حلقوں کا اعتماد رواں برس سب سے بلند سطح پر ریکارڈ کیا گیا۔ جرمن مارکیٹوں میں خریداری کے عمل پر نگاہ رکھنے والی فرم جی ایف کے (GfK) نے بھی کہا ہے کہ اس سال کے آخری ماہ میں جرمن شہری نئے سال اور کرسمس کے موقع پر خریداری کے حوالے سے مثبت سوچ رکھتے ہیں۔

موضوعات:ایوانکا ٹرمپ ڈونلڈ ٹرمپ