کوئٹہ ( این این آئی ) چمن بارڈر پر باب دوستی 12ویں روز بھی ہر قسم کی آمدورفت کیلئے بند ہے تاہم تاجروں نے طورخم سرحد کو متبادل روٹ کے طور پر استعمال کرنا شروع کر دیا ہے۔باب دوستی کی بندش سے نیٹو سپلائی،ٹرانزٹ ٹریڈ سمیت دوطرفہ تجارت اور ہرقسم کی پیدل آمدورفت بھی معطل ہے،سرحد کے دونوں جانب مال بردار گاڑیوں کی لمبی قطاریں لگی ہوئیں ہیں۔چمن چیمبر آف کامرس کے ترجمان کا کہنا ہے کہ تاجروں نے فریش فروٹ طورخم کے راستے سپلائی شروع کر دی ہیجبکہ طورخم سے تاجروں کو روٹ لمبا اور تین گناہ اضافی خرچ کرنا پڑتا ہے۔دوسری جانب دوستی گیٹ کھولنے سے متعلق پاک افغان سرحدی فورسز میں ڈیڈلاک برقرار ہے،حکام کا کہنا ہے کہ گیٹ کھولنے کیلئے پاک افغان اعلی حکام ہی فیصلہ کریں گے۔

موضوعات:بابِ دوستی