اسلام آباد (مانیٹرنگ ڈیسک)پاکستان اور بھارت میں جشنِ آزادی کی آمد آمد ہے اور دونوں ملکوں میں آزادی کی تقریبات کی تیاریاں زور شورسے جاری ہیں مگر بھارت تو جوش میں اس قدر آگے بڑھ گیا ہے کہ اسے اپنا اور پاکستان کا فرق ہی بھول گیا ہے ۔ حال ہی میں بھارت کی جانب سے جشن آزادی کے حوالے سے سوشل میڈیا پر دکھائی جانے والی ایک ویڈیو میں پاکستانی ساختہ دنیا کے مشہور ترین طیارے جے ایف 17تھنڈر پر ہندوستانی ترنگا (جھنڈا) لگا کر اسے بھارتی ساختہ قرار دینے کی مذموم سی کوشش کی گئی ۔ مگر جناب۔۔ لوگ بھی آخر آنکھیں اور کان رکھتے ہیں ۔ جب عوام نے بھارتی حکومت کی اس سنگین غلطی کو دیکھا تو ان میں غم و غصے کی شدید لہر دوڑ گئی ’’اور پھر مجبوراََ بھارت کو ان کی اس قابل فخر ایجاد (جے ایف 17تھنڈر) سے دستبردار ہونا پڑا ‘‘ اور سوشل میڈیا سے اس ویڈیو کو ہٹا دیا گیا ۔ واضح رہے کہ گزشتہ سال بھی بھارت کی بلی کو چھیچھڑوں کے خواب آئے تھے اور اس کے ایک معروف اخبار نے پاکستان کے جے ایف 17تھنڈر کو بھارتی فضائیہ کا طیارہ قرار دیا تھاتو جناب ہم تو یہی کہہ سکتے ہیں کہ میاں ’’ دور کے ڈھول سہانے ‘‘۔