نیویارک (مانیٹرنگ ڈیسک ) امریکہ کی 240 سالہ تاریخ میں پہلی مرتبہ ایک خاتون صدارتی امیدوار نے خواتین میں جوش و خروش پیدا کرنے کی ایک نئی لہر دوڑا کر تبدیلی کی راہ ہموار کر دی ہے ۔ تفصیلات کے مطابق ہیلری کلنٹن کے بارے میں تجزیہ کار یہ کہہ رہے ہیں کہ حالات و واقعات ہیلری کلنٹن کی جیت کو واضح کر رہے ہیں اور لگتا ایسا ہے کہ اب وائٹ ہاؤس میں ایک خاتون براجمان ہو گی۔ یہ بھی کہا جا رہا ہے کہ پچھلے 50 سالوں کے دوران افریقہ سے لیکر ایشیاء تک تقریباً 63 ممالک میں خواتین سربراہان مملکت رہیں ہیں ، ہیلری کلنٹن امریکہ کیلئے کوئی انجانی شخصیت نہیں ہیں وہ پچھلے 20 سالوں سے خاتون اوّل سے لیکر مختلف عہدوں پر فائز رہی ہیں اس وقت دنیا میں 18 ممالک میں خواتین سربراہ ہیں۔ اب 8 نومبر 2016ء کو جب امریکہ کے عوام ووٹ ڈالیں گے تب فیصلہ ہو گا کہ ٹرمپ کے خوف نے رنگ دکھایا یا پھر ہیلری نے عوام کو لبھایا۔ جبکہ آئے روز امریکی زرائع ابلاغ اپنی مختلف رپورٹوں میں ہیلری کلنٹن کو ٹرمپ کے مقابلے میں زیادہ مدبر اور سنجیدہ شخصیت پیش کرنے کی کوشش کر رہے ہیں۔