امرتسر (مانیٹرنگ ڈیسک ) بھارت کی عام آدمی پارٹی کے سربراہ اور دہلی کے وزیراعلیٰ اروند کیجریوال نے سکھوں کیخلاف دئیے گئے بیان پر معافی مانگنے کے لیے انوکھا طریقہ اپنالیا ، گولڈن ٹیمپل گئے توسزا کے طورپربرتن مانجھنا پڑ گئے۔تفصیلات کیمطابق بھارتی دارالحکومت دہلی کیوزیراعلیٰ اروندکیجری وال نے پہلے بھارت میں رہنے والے سکھوں کے حوالے سے متنازعہ بیان داغا جب بھارت میں رہنے والی سکھ کمیونٹی کی جانب سے اس پر خوب لے دے ہوئی تو وہ امرتسر جاپہنچے۔ عام آدمی پارٹی کے سربراہ نے امرتسرمیں واقع گولڈن ٹیمپل میں 45منٹ گزارے اور اپنے متنازعہ بیان پر نہ صرف دونوں ہاتھ باندھ کر معافی مانگی بلکہ بیان کو غیر ارادی قراردیتے ہوئے کہا کہ وہ تمام مذاہب کا احترام کرتے ہیں۔ کیجریوال نے جب اس سب کو بھی ناکافی سمجھا تو سکھ یاتریوں کے لیے استعمال کیے جانے والے جوٹھے برتن دھونے کے لیے یہاں موجود لنگر خانے جاپہنچے اور برتن دھو کر اپنے بیان پر معافی کی درخواست کرتے رہے۔