ریاض(نیوزڈیسک) سعودی وزارت حج نے یکم صفر سے عمرہ سیزن 2016کا آغاز کر دیا دنیا بھر کے لیے عمرہ سسٹم آن ہو گیا ہے،پاکستا ن سے ویزہ اپروول 5صفر سے شروع ہونے کا امکان پیداہوگیا ہے ۔ایک نجی خبررساں ادارے کے مطابق سعودی حکومت نے سعودی عمرہ کمپنیوں کی گارنٹی بڑھا دی سعودی عمرہ کمپنیوں نے پاکستانی ایاٹا کمپنیوں کی گارنٹی دوگنا کرتے ہوئے دو لاکھ ریال کر دی نئے عمرہ سیزن میں 45سال کی خاتون کا ویزہ بغیر محرم لگ سکے گا، 40سال سے چھوٹے افراد کے عمرہ ویزے پر پابندی بر قرار رہے گی ۔نئے عمرہ سیزن میں قوائد میں مزید سختی کرتے ہوئے نئی شرائط شامل کر دی ہیں پاکستانی ایاٹا کمپنیوں کی گارنٹی ایک لاکھ ریال تھی اس کو دو لاکھ کر دیا گیا ہے ،عمرہ سیزن2016میں صرف عمرہ ویزہ نہیں مل سکے گا مکہ مدینہ کا ہوٹل لینا بھی ضروری ہو گا عمرہ ویزہ کی اپروول ،مصنف ہوٹل کا نام ڈالنے کی صورت میں آئے گی ،سعودی حکومت کے منظور کردہ ہوٹلزجو بھی عمرہ زائرین حاصل کریں گے ۔سعودی حکومت نے عمرہ کے لیے آنے والوں کے لیے حرمین شریفین میں داخلے کے لیے عبایا کی شرط لازمی قرار دے دی ہے بے پردگی پر سختی سے پابندی عائد کر دی گئی ہے ،عمرہ ویزہ اور حج کے لیے پاسپورٹ بنانے والی خواتین کو سر ڈھانپ کر تصویر بنانے کی ہدایت کی گئی ہے نئے عمرہ سیزن میں عمرہ ویزہ جاری کرنے والی کمپنیاں عمرہ زائرین کی سعودیہ آمد اور واپسی تک تمام مراحل تک کی ذمہ دار ہوں گی شیڈول فیڈ کرنا ضرورہی ہو گا،سعودی عمرہ کمپنیاں کے افراد پاکستان سے جانے والے عمرہ زائرین کے پاسپورٹ جدہ اور مدینہ ائیرپورٹ پر قبضے میں لیں گی اور پاکستان واپسی یقینی بناتے ہوئے ائیرپورٹ پرپاسپورٹ زائر کو دے کر وطن روانہ کریں گی ۔