نئی دہلی (اے این این)سانحہ منیٰ میں لاپتہ ہونے والے بھارتی حجاج کے اہل خانہ اپنے عزیزوں کی تلاش کے لئے سعودی عرب جائیں گے۔ بھارتی کی وزرات خارجہ کے جاری کردہ اعلامیہ کے مطابق وزیر خارجہ سشما سوارج نے کہا ہے کہ بھارت کے لاپتہ حجاج کے اہل خانہ کا ایک گروپ اپنے پیاروں کی تلاش اور ان کی لاشوں کی شناخت کے لئے جلد سعودی عرب روانہ ہوگا۔ وزیر خارجہ سشما سوراج نے وزیر مملکت برائے امور خارجہ وی کے سنگھ کو بھی فوری طور پر سعودی عرب جانے کی ہدایت جاری کی ہے تاکہ لاپتہ ہونے والے بھارتی حاجیوں کی صورتحال واضح کی جاسکے۔ بھارتی کی وزارت خارجہ نے سانحہ منی میں اب تک چوہتربھارتی شہریوں کے شہید ہونے کی تصدیق کی ہے۔