نیو دہلی(نیوزڈیسک)پاکستان کی جانب سے ڈرون ٹیکنالوجی کے کامیاب استعمال کے بعد بھارت کے پیٹ میں بھی مروڑ اٹھنا شروع ہوگئی ہے اور اس نے اب اسرائیل سے ڈرونز خریدنے کا منصوبہ مزید تیز کردیا ہے۔گزشتہ دنوں برطانوی نشریاتی ادارے کی رپورٹ میں پاکستانی ڈرون ٹیکنالوجی ’’براق‘‘ کے حوالے سے ایک رپورٹ شائع کی گئی تھی جس میں مغربی ماہرین نے پاکستانی ڈرون ٹیکنالوجی کے نہایت مہارت سے استعمال پر حیرت کا اظہار کیا تھا لیکن اب پاکستان کے روایتی حریف بھارت کے پیٹ میں بھی اس ’’براق‘‘ ٹیکنالوجی کے استعمال پر مڑوڑ اٹھنا شروع ہوگئی اور جلن و حسد کی آگ نے ایک بار پھر بھارت کو خطے میں ہتھیاروں کی آگ میں جھونک دیا۔غیر ملکی خبر رساں ادارے کے مطابق پاکستان کے چین سے بڑھتے تعلقات اور ’’براق‘‘ ٹیکنالوجی کے حصول کے بعد بھارت کی جانب سے اسرائیل کے ساتھ ڈرونز خریداری کے معاہدے

مزید پڑھئے: عمران خان نے 55افراد کو تحریک انصاف سے نکال دیا

میں تیزی آگئی ہے۔ بھارتی حکومت نے اسرائیل سے ڈرونز خریدنے کے منصوبے پر نہایت تیزی سے کام شروع کردیا ہے جب کہ ان ڈرونز کو بیرون ملک پر حملوں کے لیے اسلحہ سے بھی لیس کیا جائے گا۔بھارتی میڈیا کا کہنا ہے کہ اسرائیل کے ساتھ ان ڈرونز کی خریداری کا معاہدہ 3 سال قبل ہوا تھا لیکن پاکستان کی جانب سے براق ٹیکنالوجی کے حصول کے بعد بھارتی افواج نے حکومت پر زور دیا ہے کہ وہ ڈرونز کی خریداری جلد از جلد مکمل کرے۔واضح رہے کہ مارچ میں پاکستان نے پہلی مرتبہ براق ڈرون اور لیزر گائیڈڈ میزائل کا کامیاب تجربہ کیا تھا جو اپنے ہدف کو انتہائی مہارت کے ساتھ نشانہ بنانے کی صلاحیت رکھتے ہیں جب کہ گزشتہ ہفتوں قبل پہلی مرتبہ ڈرون طیارے ’’براق‘‘ کا استعمال کیا گیا جس کے نتیجے میں 3 دہشت گرد ہلاک ہوگئے تھے۔