راولپنڈی (این این آئی)راولپنڈی کے تھانہ گوجرخان کے علاقے میں کزن نے گھر میں گھس کر کزن کو زیادتی کا نشانہ بنا لیا،
نازیبا ویڈیو بھی وائرل کردی ، پولیس نے مقدمہ درج کرلیا۔پولیس کے مطابق متاثرہ لڑکی نے پولیس کو بتایا کہ والد کیساتھ ہی رہتی ہوں والد کام پر اور والدہ گائوں میں فوتگی پر گئی ہوئی تھیں دروازے پر تالا لگا ہوا تھا۔تایا کا گھر ہمارے گھر کے ساتھ جڑا ہوا ہے، تایا کا بیٹا گلریز شبیر دیوار پھلانگ کر زبردستی گھر میں آیا اور مجھے دبوچ لیا ،چاقو سے مارنے کی دھمکیاں دیکر خاموش رہنے کو کہا اور مجھے برہنہ کرکے اپنے موبائل فون سے نازیبا ویڈیوز بنائیں اور زبردستی زیادتی کی۔
بعد میں دھمکیاں دیں کہ گھر والوں کو بتایا تو ویڈیو وائرل کردوں گا، عزت و ڈر کی وجہ سے خاموش رہی، کچھ دن بعد نامعلوم فون نمبر سے ون ٹائم ویو کیساتھ وہی ویڈیو مجھے موصول ہوئی۔ویڈیو کو بھائی کے موبائل فون کے زریعے محفوظ کرلیا۔پولیس نے مقدمہ درج کر کے ملزم کی گرفتاری کیلئے چھاپے شروع کردیئے ہیں۔
