اسلام آباد(نیوز ڈیسک) نائیجریا میں شدت پسند تنظیم بوکو حرام کے حملوں کو روکنے کیلئے گھوڑوں کے ا ستعمال پر پابندی عائد کردی گئی۔ پیٹرول دستیاب نہ ہونے کی وجہ سے بوکو حرام کے جنگجوﺅں نے گھوڑے پر سوار ہوکر مضافاتی گاﺅں پر حملے شروع کردیے تھے جس کے بعد فوج نے ریاست بورنو میں گھڑ سواری اور گھوڑے کے استعمال پر پابندی عائد کردی۔نائیجیرین فوج کا کہنا ہے کہ حکومت کے ساتھ مذاکرات کے بعد یہ پابندی عائد کی گئی ہے۔ فوج کی جانب سے جاری بیان کے مطابق ریاست بورنو میں فوج مسلسل پیشقدمی کررہی ہے اور داعش کی اطاعت کرنے والے بوکو حرام کے شدت پسندوں کی سپلائی لائن کاٹ دی گئی ہے
مزید پڑھئے: مشہور کرکٹر سنگر بن گئے
جس کی وجہ سے انہیں پٹرول اور دیگر ایندھن میسر نہیں لہٰذا ب وہ دہشتگرد کارروائیوں کیلئے گھوڑوں کو استعمال کررہے ہیں۔فوج نے عوام سے اپیل کی ہے کہ وہ اس پابندی کی پاسداری کریں ، پابندی کی خلاف ورزی کرنے والے کو دہشتگرد سمجھا جائے گا۔
