کراچی (این این آئی)عالمی اور مقامی مارکیٹوں میں سونے اور چاندی کی قیمتوں میں بڑی نوعیت کی کمی ہوگئی ہے۔

بین الاقوامی بلین مارکیٹ میں فی اونس سونے کی قیمت 149 ڈالر کی بڑی کمی سے 4ہزار 156 ڈالر کی سطح پر آگئی۔عالمی مارکیٹ میں کمی کے سبب مقامی صرافہ مارکیٹ میں بھی فی تولہ سونے کی قیمت 14900روپے کی کمی سے 4لاکھ 38ہزار 036روپے اور فی دس گرام سونے کی قیمت 13410 روپے گھٹ کر 3لاکھ 74 ہزار 205روپے کی سطح پر آگئی۔اسی طرح، فی تولہ چاندی کی قیمت 413 روپے کی کمی سے 6ہزار 946 روپے اور فی دس گرام چاندی کی قیمت بھی 373روپے کی کمی سے 5ہزار 895روپے کی سطح پر آگئی۔