لاہور(این این آئی) طوفانی موسم نے شادی کی تقریبات کو شدید متاثر کیا،
تاہم ایک جوڑے نے ہمت نہ ہاری اور بالآخر پیٹرول پمپ کو ہی شادی ہال بنا کر اپنی زندگی کے نئے سفر کا آغاز کر دیا۔لاہور میں ہونے والی اس منفرد شادی کی کہانی سوشل میڈیا پر توجہ کا مرکز بن گئی ہے۔ دلہا نعمان کے مطابق مہندی کی تقریب کے لیے سیٹ اپ تین بار لگایا گیا، تاہم ہر بار آنے والے طوفان نے اسے تباہ کر دیا۔ تیز ہواں کے باعث ٹینٹ اڑ گئے، صوفے ٹوٹ گئے اور تقریباً 15لاکھ روپے کا نقصان ہوا۔مسلسل خراب ہوتے انتظامات کے باوجود دلہا اور دلہن نے ہمت نہیں ہاری۔ ہنگامی صورتحال میں ایک پیٹرول پمپ پر نکاح کی تقریب منعقد کرنے کا فیصلہ کیا گیا،
جہاں مہندی اور نکاح کی رسومات رات 2بجے انجام پائیں۔دلہن فاطمہ نے کہا کہ طوفان ہار گیا، محبت جیت گئی۔منفرد انداز میں منعقد ہونے والی اس شادی کی ویڈیوز سوشل میڈیا پر تیزی سے وائرل ہو رہی ہیں، جہاں صارفین جوڑے کے حوصلے اور جذبے کو سراہ رہے ہیں۔
