یوپی (نیوزڈیسک) کرپٹ وزیر کیخلاف خبر لگانے پر جلایا جانے والا صحافی سات روز بعد دم توڑ گیا۔ بھارتی ریاست اترپردیش کے صحافی جاجیندر سنگھ گزشتہ کچھ عرصہ سے سماج وادی پارٹی کےمقامی رہنما مرتی ورما کی کرپشن کی کہانیاں بے نقاب کر رہے تھے۔ کرپشن کے پردے چاک کرنے پر انہیں کئی بار دھمکایا گیا۔ سات روز پہلے وزیر نے اپنے غنڈوں کے ساتھ مل کر اس کے گھر پر دھاوا بولا اور اس پر تیل چھڑک کر آگ لگا دی۔ آگ سے جاجیندر سنگھ کا ستر فیصد جسم جل گیا۔ اسے ہسپتال داخل کرایا گیا جہاں وہ زخموں کی تاب نہ لا کر چل بسا۔ بھارتی صحافتی تنظیموں کے احتجاج پر وزیر اور اس کے ساتھیوں کے خلاف مقدمہ درج کر لیا گیا ہے