نیو یارک ۔۔۔۔امریکی خفیہ ادارے ایف بی آئی (فیڈرل بیورو ا ف انویسٹی گیشن) اور محکمہ انصاف (ڈپارٹمنٹ ا ف جسٹس) نے سی آئی اے (سینٹرل انٹیلی جنس ایجنسی) کے سابق سربراہ ڈیوڈ پیٹریاس پر خفیہ راز صحافی کو دینے کے الزام میں سنگین جرم کے چارجز عائد کرنے کی سفارش کی ہے نیو یارک ٹائمز کی ایک رپورٹ کے مطابق اس سفارش کا حوالے سے حتمی فیصلہ اٹارنی جنرل کریں گے۔سی آئی کے سابق ڈائریکٹر پر الزام ہے کہ انہوں نے ڈیوڈ پیٹریاس کی زندگی پر کتاب لکھنے والی خاتون کو مبینہ طور پر خفیہ معلومات فراہم کی تھیں۔واضح رہے کہ خاتون صحافی بروڈویل کی سی ا ئی اے چیف ڈیوڈ پیٹریاس کی بائیو گرافی کی تحریر کے دوران ان سے کافی قریب ہونے کی خبریں بھی سامنے ا ئی تھیں۔امریکی اخبار کے مطابق یہ خفیہ معلومات اس وقت فراہم کی گئیں تھیں جب وہ سی آئی اے کے ڈائریکٹر تھے۔یاد رہے کہ ڈیوڈ پیٹریاس 2011 میں سی ائی اے کے سربراہ بنے تھے اس سے قبل وہ عراق اور افغانستان میں امریکی افواج کی قیادت کرتے رہے تھے۔ڈیوڈ پیٹریاس کے حوالے سے امریکی صدر باراک اوبامہ نے بھی خراج تحسین پیش کرتے ہوئے کہا تھا کہ انہوں نے کئی دہائیوں تک امریکہ کے لیے اعلیٰ خدمات پیش کیں۔سی ا ئی کے سربراہ نے 2011 میں اپنے عہدے کا چارج سنبھالا تھا جبکہ وہ اس اسکینڈل کے بعد 2012 میں مستعفی ہو گئے تھے۔ایف بی ا ئی اور محکمہ انصاف نے اس حوالے سے تحقیقات کا آغاز خاتون کے ساتھ ان کے تعلقات کے منظر عام پر آنے کے بعد کیاتھا۔سنگین جرم عائد کیے جانے کی سفارش کے بعد اٹارنی جنرل ایریک ہولڈر فیصلہ کریں گے کہ ڈیوڈ پیٹریاس پر مقدمہ چلانا ہے یا نہیں۔
فرد جرم عائد ہونے کی صورت میں ڈیوڈ پیٹریاس کو جیل کا سامنا بھی کرنا پڑسکتا ہے۔دوسری جانب ڈیوڈ پیٹریاس کا کہنا تھا کہ انہوں نے خفیہ معلومات کسی کے ساتھ شیئر نہیں کیں۔