کراچی۔۔۔۔طبی ماہرین نے انکشاف کیا ہے کہ پاکستان میں ایک ہزار مریضوں کے لئے صرف ایک ڈاکٹر موجود ہے جو انتہائی تشویشناک صورت حال ہے۔ا غا خان یونیورسٹی پوسٹ گریجویٹ میڈیکل ایجوکیشن کے 19 ویں سالانہ جلسہ تقسیم اسناد کے موقع پر ماہرین طب نے کہاکہ پاکستان ڈاکٹرز اوراسپیشلسٹ فزیشنزکی شدید کمی ہے، اس وقت پاکستان میں ایک ہزار افرادکے لیے صرف ایک ڈاکٹر موجود ہے جب کہ ایک ہزار افراد پر 2 سوڈاکٹرہونے چاہیے،ماہرین کا کہنا تھا کہ ملک صحت عامہ کے عملے کے بحران کاشکار ہے جبکہ بیماریوں کی شرح میں ہولناک اضافہ ہوچکا ہے،کینسر اور دیگر غیر متعدی بیماریوں میں مسلسل اضافہ ہورہا ہے،ضیاالدین یونیورسٹی کے ڈین ڈاکٹر کامران حمید نے تقریب سے خطاب کرتے ہوئے ڈاکٹرز پر زوردیاکہ وہ اپنی مہارت کو بروئے کار لاتے ہوئے پاکستان میں صحت عامہ کے شعبے کی حالت کو بہتر بنانے کے لیے اپنا مثبت کردار ادا کریں۔