راولپنڈی۔۔۔۔ وزیراعظم نواز شریف کی زیرصدارت پاک فوج کے ہیڈکوارٹر جی ایچ کیو میں ہونے والے اعلی سطح کے اجلاس میں دہشت گردوں کے خلاف موثر کارروائی کا فیصلہ کیا گیا ہے۔ وزیراعظم نواز شریف کی زیر صدارت جی ایچ کیو میں سوا 4 گھنٹے تک اعلی سطح کا اجلاس جاری رہا جس میں وفاقی وزیر داخلہ چوہدری نثار، وزیرخزانہ اسحاق ڈار، ا رمی چیف جنرل راحیل شریف سمیت اعلی عسکری حکام نے شرکت کی۔ اس موقع پر ڈی جی ا ئی ایس ا ئی لیفٹیننٹ جنرل رضوان اخترنے ملکی داخلی و خارجی سیکیورٹی سمیت ملک سے دہشتگردوں کے مکمل خاتمے کے لئے موثر حکمت عملی سے متعلق بریفنگ دی۔اجلاس کے دوران وزیراعظم نواز شریف کا کہنا تھا کہ تمام دہشت گردوں کے خلاف بلاتفریق کارروائی کی جائے گی اور دہشت گردوں کے خلاف ا خری حد تک جائیں گے، ا پریشن ضرب عضب میں پاک فوج کو ملنے والی کامیابیاں حوصلہ افزا ہیں اور ا خری دہشت گرد کے خاتمے تک ا?پریشن جاری رہے گا۔واضح رہے کہ ایک روز قبل وزیراعظم نوازشریف نے سزائے موت پرعائد پابندی اٹھانے کی منظوری دی تھی جس کے بعد گزشتہ روز ا رمی چیف جنرل راحیل شریف نے سزائے موت کے منتظر6 مجرموں کے ڈیتھ وارنٹ پر دستخط کردیئے ہیں جنہیں ایک دو روز میں منطقی انجام تک پہنچا دیا جائے گا۔