اسلام ا باد۔۔۔۔چیرمین تحریک انصاف عمران خان نے پنجاب حکومت کو متنبہ کیا کہ اگر کل لاہور میں مظاہرین پر گلو بٹوں کو چھوڑا گیا تو کارکن لڑنے کو تیار ہیں اور کسی بھی حرکت کا بھرپورجواب دیا جائے گا جب کہ حکومت سے مذاکرات کے لئے ایم او یو تیار کرلیا اوراسی کو سامنے رکھتے ہوئے بات چیت کا عمل آگے بڑھایا جائے گا۔بنی گالہ میں اپنی رہائش گاہ پر پریس کانفرنس کرتے ہوئے عمران خان کا کہنا تھا کہ جہانگیر ترین اور اسد عمر پر مشتمل تحریک انصاف کا وفد وزیرخزانہ اسحاق ڈار سے ملاقات کرے گا اور جہاں سے مذاکرات کا سلسلہ ٹوٹا تھا وہیں سے بات ا گے بڑھے گی اور اس حوالے سے ہنگامی بنیاد پر بنائے گئے ایم او یو پر حکومت سے دستخط لئے جائیں گے۔ انہوں نے کہا کہ دھرنوں کے باعث پیدا ہونے والی عوامی مشکلات کا احساس ہے تاہم حکومت سے مذاکرات وہیں سے دوبارہ شروع کریں گے جہاں بات چیت کا سلسلہ ٹوٹا تھا اور اگر حکومت نے جوڈیشل کمیشن بنادیا تو ملک بند کرنے کی کال واپس لے لیں گے۔سربراہ تحریک انصاف کا کہنا تھا کہ لاہور کے عوام کل کا احتجاج کامیاب بنانے میں ساتھ دیں اور تاجروں سے اپیل ہے کہ ایک دن کی قربانی دیں، ہوسکتا ہے کہ ایک دن کی قربانی سے ملک میں حقیقی تبدیلی دکھائی دے۔ انہوں نے پنجاب حکومت کو متنبہ کیا کہ اگر کل لاہور میں مظاہرین پر گلو بٹوں کو چھوڑا گیا تو کارکن لڑنے کو تیار ہیں اور کسی بھی حرکت کا بھرپورجواب دیا جائے گا، ہم نے چار حلقوں میں دھاندلی کو چیلنج کیا جن کے نتائج ا?نا شروع ہوگئے ہیں اگر حکومت چاہتی تو ایک ہفتے میں سب کچھ سامنے ا?جاتا لیکن اس عمل میں ڈیڑھ سال لگ گیا اور اب کسی کو شک نہیں ہونا چاہیئے کہ حکومت اب دھاندلی چھپانے کی کوشش کر رہی ہے۔
عمران خان نے کہا کہ تحریک انصاف ملک میں دوبارہ انتخابات کرانے کے لئے کوششیں نہیں کررہی بلکہ چاہتے ہیں کہ انتخابات 2013 کے دوران عوامی مینڈیٹ چوری کرنے والوں کو انصاف کے کٹہرے میں لایا جائے اور انہیں عبرت ناک سزا دی جائے۔ ان کا کہنا تھا کہ انتخابی دھاندلی کے حوالے سے حکومت کو چار حلقے کھولنے کا کہا اور ان چار حلقوں سے میں وزیراعظم نہیں بن جاتا تاہم حکومت نے دھاندلی چھپانے کے لئے سرد مہری کا مظاہرہ کیا جسے جلد اس کے کئے کی سزا ملے گی۔