ممبئی(این این آئی) بالی ووڈ کی متنازع اداکارہ کنگنا رناوت نے ریئلٹی شو ’لوکس اپ‘ کے دوران اپنی زندگی کے سب سے بڑے اسکینڈل کے بارے میں بتایا ہے۔میڈیا رپورٹ کے مطابق کنگنا رناوت نے اسٹار اداکار ہریتھک روشن کا نام لیے بغیر کہا کہ وہ ماضی میں کسی

شادی شدہ مرد کی محبت میں گرفتار ہوچکی تھیں جو ان کی زندگی کا سب سے بڑا اسکینڈل بھی بنا تھا، اکثر لڑکیوں کو شادی شدہ مرد پسند ہوتے ہیں اور وہ ان کی طرف راغب بھی ہوتی ہیں، یہ میں اپنا ذاتی تجربہ بتا رہی ہوں۔کنگنا ’کولس اپ‘ کی میزبانی کررہی ہیں، اسی شو کے دوران انہوں نے ہریتھک روشن سے اپنی محبت کا ذکر کیا لیکن کنگنا رناوت نے اداکار کا نام نہیں لیا۔ مذکورہ اداکارہ کے بارے میں افواہیں پھیلی تھیں کہ ان کے شادی شدہ اداکار ہریتھک روشن سے گہرے تعلقات ہیں۔اداکارہ کا کہنا تھا کہ شادی شدہ مرد زیادہ ذمے دار ہوتے ہیں کیوں کہ وہ اپنے ارد گرد کی صورت حال کو جس طرح لے کر چلتے ہیں کم عمر لڑکیاں اس سے متاثر ہوتی ہیں، ایسے مرد اپنے آپ کو مظلوم بھی ثابت کرنے کی کوشش کرتے ہیں۔انہوں نے مزید کہا کہ شادی شدہ مرد یہ کہانی سناتے ہیں کہ وہ شادی کرکے کہاں پھنس گئے ہیں اور یہ تاثر بھی دینے کی کوشش کرتے ہیں کہ انہیں نئی لڑکی ہی بیوی سے بچا سکتی ہے لیکن جب ان کی بیوی کی سنو تو کان سے خون نکل آئے۔