اسلام آباد (نیوز ڈیسک) ملک میں ٹیکس اصلاحات اور نئی انرجی وہیکل (NEV) لیوی کے نفاذ کے بعد موٹر سائیکلوں کی قیمتوں میں ایک مرتبہ پھر اضافہ کر دیا گیا ہے۔

میڈیا رپورٹس کے مطابق، یاماہا اور یونیک نے یکم جولائی 2025 سے اپنی موٹر سائیکلوں کی نئی قیمتوں کا اعلان کر دیا ہے، جن میں نمایاں اضافہ کیا گیا ہے۔ یاماہا نے اپنی تمام موٹر سائیکل ماڈلز کی قیمتوں پر نظرثانی کی ہے، جس کی بنیادی وجہ حکومت کی جانب سے نافذ کردہ نئے ٹیکسز اور لیوی بتائی جا رہی ہے۔

یاماہا موٹر سائیکلوں کی نئی قیمتیں:
YB125Z (ریڈ/بلیک) کی قیمت اب 4,29,000 روپے ہو گئی ہے، جس میں 65,441 روپے سیلز ٹیکس اور 4,057 روپے NEV لیوی شامل ہیں۔

YB125Z DX (ریڈ/بلیک/گری) کی قیمت 4,59,500 روپے تک جا پہنچی ہے۔

YBR125 (ریڈ/گری/بلیک) اب 4,71,500 روپے میں دستیاب ہے۔

YBR125G (بلیک) کی قیمت 4,90,500 روپے مقرر کی گئی ہے، جبکہ میٹ فنش ورژن کی قیمت 4,93,500 روپے تک پہنچ چکی ہے، جو یاماہا کی لائن اپ میں سب سے مہنگا ماڈل ہے۔

یونیک موٹر سائیکلوں میں قیمتوں کا اضافہ:
یونیک کمپنی نے بھی 18 جولائی 2025 سے اپنی موٹر سائیکلوں کی قیمتوں میں 3,000 روپے کا اضافہ کر دیا ہے۔

UD-70cc بیس ماڈل اب 1,21,500 روپے میں دستیاب ہے۔

UD-70cc Extreme Plus کی نئی قیمت 1,25,000 روپے مقرر کی گئی ہے۔

اسپیشل ایڈیشن کی قیمت 1,28,500 روپے ہو گئی ہے۔

Extreme Plus with Alloy Rims اب 1,35,000 روپے میں ملے گی۔

Self-start variant کی قیمت 1,47,000 روپے مقرر کی گئی ہے، جو یونیک کی فہرست میں سب سے مہنگا ماڈل ہے۔

موٹر سائیکلوں کی قیمتوں میں یہ حالیہ اضافہ ایک ایسے وقت میں سامنے آیا ہے جب مہنگائی، ایندھن کی قیمتوں اور بجٹ میں شامل نئے ٹیکسوں نے پہلے ہی عوام کو شدید مالی دباؤ میں مبتلا کر رکھا ہے۔ اس اضافے سے خاص طور پر متوسط اور کم آمدنی والے افراد مزید متاثر ہوں گے، جن کے لیے موٹر سائیکل روزمرہ نقل و حمل کا اہم ذریعہ ہے۔