اسلام آبا د (آن لائن) خیبر پختونخواہ میں پبلک سروس کی انتظامی امور کی بہتری کیلئے وفاقی حکومت کا عالمی بینک سے 400 ملین ڈالر کا معاہدہ طے پا گیا ۔ معاہدے پر دستخط کی تقریب وزارت اقتصادی امور میں منعقد ہوئی۔ تقریب میں وفاقی وزیر اقتصادی امور
عمر ایوب خان نے شرکت کی ۔ معائدے کے بعد وزیر اقتصادی امور عمر ایوب خان نے کہا سپیڈ پروگرام کے تحت رقم خیبر پختونخواہ میں تعلیم و صحت کی سہولیات کو بہتر بنانے پر خرچ کی جائے گی۔ انہوں نے کہا وفاقی حکومت صوبوں کو تعلیم و صحت جیسی بنیادی ضروریات کو بہتر بنانے کیلئے مکمل تعاون کرے گی۔ انہوں نے کہا سپیڈ پروگرام خیبر پختونخواہ میں صحت و تعلیم کے بجٹ اور پروکیورمنٹ منیجمنٹ سسٹم کی بہتری کیلئے مددگار ثابت ہو گا۔ کنٹری ڈائریکٹر ناجی بینحسین نے اس حوالے سے بات کرتے ہوے کہا عالمی بینک پاکستان کو فکسل و ٹیکنیکل تعاون جاری رکھے گا۔
