لاہور( این این آئی ) پاکستان کے تین ایئرپورٹ کس کو دیئے جارہے ہیں، حیرت انگیزانکشاف،بات بڑھ گئی،قومی سلامتی خطرے سے دوچار ہونے کا اندیشہ ہے ،لاہور کے علامہ اقبال انٹر نیشنل ایئر پورٹ سمیت تین ہوائی اڈوں کی نجکاری کیخلاف لاہور ہائیکورٹ میں انٹرا کورٹ اپیل دائر کر دی گئی۔سول ایوی ایشن ایمپلائز یونین سمیت دیگر نے لاہور ہائیکورٹ کے سنگل بنچ کے فیصلے کیخلاف
اپیل دائر کرتے ہوئے موقف اپنایاہے کہ سنگل بنچ نے درخواست پالیسی معاملہ ہونے پر خارج کی ۔اپیل میں قانونی نقطہ اٹھاتے ہوئے کہا گیا ہے کہ ہوائی اڈوں کی نجکاری سول ایوی ایشن آرڈیننس کی دفعہ 5کی خلاف ورزی ہے۔ اس سے قومی سلامتی خطرے سے دوچار ہونے کا اندیشہ ہے ۔استدعا ہے کہ عدالت ہوائی اڈوں کی نجکاری روکنے کا حکم دے اور سنگل بنچ کا فیصلہ کالعدم قرار دیا جائے۔
