فیصل آباد(آئی این پی)وفاقی وزیر مملکت برائے ٹیکسٹائل انڈسٹری و کامرس حاجی اکرم انصاری نے کہا ہے کہ سی پیک راہداری منصوبہ سے 25ارب ڈالر سالانہ آمدن ہوگی جو ملکی معیشت میں اہم کردار ادا کرے گی ٹیکسٹائل پیکیج کو ایکسورٹرز کے مفاد میں ترمیم کی جارہی ہے، بجلی کو لوڈشیڈنگ دسمبر2017تک زیرو ہوجائے گی ،گیس کی پیداوار ملکی ضروریات سے کم ہے ،
تاہم حکومت گیس امپورٹ کرکے اس کی فراہمی پوری کرے گی ۔ وہ بروز اتوار پاکستان یارن مرچنٹس ایسوسی ایشن کے ممبران سے خطاب کر رہے تھے انہوں نے کہا کہ ہم جس قدر ویلیور ایڈیشن کریں گے اسی قدر زیادہ زرمبادلہ حاصل ہوگا بنگلہ دیش کی مثال دیتے ہوئے کہا کہ وہاں کاٹن پیدا نہیں ہوتی بلکہ کاٹن امپورٹ ہوتی ہے لیکن وہاں ویلیوایڈیشن کرنے سے کاٹن کو چھ گنا زیادہ قیمت پر ایکسپورٹ کرتے ہیں اور ٹیکسٹائل ایکسپورٹ پاکستان سے 3گنا زیادہ زرمبادلہ کماتا ہے ہمارے صنعت کاروں تاجروں اور ایکسپورٹرز کو بھی مصنوعات میں ویلیو ایڈیشن کو اہمیت دینی چاہیے انہوں نے کہا کہ سی پیک راہداری منصوبہ سے 25ارب ڈالر سالانہ آمدن ہوگی جو ملکی معیشت میں اہم کردار ادا کرے گی ٹیکسٹائل پیکیج کو ایکسورٹرز کے مفاد میں ترمیم کی جارہی ہے، بجلی کو لوڈشیڈنگ دسمبر2017تک زیرو ہوجائے گی انہوں نے کہا کہ گیس کی پیداوار ملکی ضروریات سے کم ہے تاہم حکومت گیس امپورٹ کرکے اس کی فراہمی پوری کرے گی اور قیمت بھی کم کرنے کی کوشش کی جائے گی انہوں نے کہا کہ2013میں دہشت گردی زیادہ تھی جو حکومت نے چار سال کے عرصہ میں کافی حد تک کم کردی ہے اور عنقریب دہشت گردی بالکل ختم ہوجائے گی۔
