گوادر (آئی این پی )گوادر پورٹ کیلئے جدید کرینیں گوادر پہنچ گئیں،گوادر پورٹ پر تقریب کا انعقاد ،حکام نے کہاہے کہ گوادر پورٹ کو فعال بنانے کیلئے اقدامات میں تیزی لائی جارہی ہے ۔ جملہ سہولیات میسر ہو نے سے گوادر پورٹ مز ید بحری جہازوں کی آمدو رفت کا مرکز بن جائے گا ۔

تفصیلات کے مطابق گوادر پورٹ میں سہو لیات کی فراہمی میں تیزی لائی گئی ہے اس سلسلے میں گزشتہ روز ایک چینی ZENHUA 228نامی بحری جہاز لاس اینجلس امر یکہ سے آ کر گوادر پورٹ پر لنگر انداز ہواہے۔ بحری جہاز میں شپ شو ر کر ین لد ے ہو ئے ہیں جن کو گوادر پورٹ پر نصب کیا جائے گا ۔کر ین لادنے کے موقع پر ایک خصوصی تقریب بھی منعقدہوئی جس میں فری ٹر یڈ زون کے جنرل منیجر پیٹر ، گوادر پورٹ اتھارٹی کے ڈائریکٹر برائے منصوبہ بندی منیر جان بلوچ، ڈپٹی کلکٹر کسٹم آفتاب اللہ شاہ اور دیگر حکام شر یک تھے۔ اس موقع پر کہا گیا کہ گوادر پورٹ ہر قسم کی سہو لیات کی فراہمی کو ممکن بنا یا جا رہا ہے تاکہ گوادرپورٹ پر بحری جہازوں کی ہینڈلنگ وغیر ہ سہل ہو جائے شپ شور کر ین کی فراہمی اسی سلسلے کی کڑی ہے جن کے نصب ہو نے سے گوادر پورٹ پر بحری جہازوں کی ہینڈلنگ میں آسانی پید ا ہوگی گوادر پورٹ پر جملہ سہو لیات کی فراہمی کو قلیل مدت میں یقینی بنایا جا ئے گا تاکہ گوادر پورٹ پر بحری جہازوں کی آمدو رفت میں مز ید تیزی آئے۔