لاہور(آئی این پی ) وزیر اعلیٰ پنجاب محمد شہباز شریف کی زیرصدارت منگل کویہاں اجلاس منعقد ہوا جس میں پنجاب کے بڑے شہرو ں میں سپیڈو بسیں چلانے کے حوالے سے مختلف تجاویز کا جائزہ لیا گیا۔وزیر اعلی محمد شہباز شریف نے اجلاس سے خطاب کرتے ہوئے کہا کہ معیاری ، با کفایت اور ائیر کنڈیشنڈ ٹرانسپورٹ عام آدمی کا حق ہے اورپنجاب حکومت نے میٹروبس سروس کے ذریعے یہ حق عام آدمی تک پہنچایا ہے ۔انہوں نے کہا

کہ اب سپیڈو بسوں کے ذریعے بھی روزانہ ہزاروں لوگ منزل مقصود تک پہنچ رہے ہیں اور سپیڈو بسوں کو دیگر بڑے شہروں میں بھی چلایا جائے گا۔ان سپیڈو بسوں کا دائرہ کار دیگر بڑے شہروں میں بڑھانے سے شہریوں کو جدید سفری سہولتیں میسر آئیں گی۔وزیر اعلی نے کہا کہ بڑے شہروں میں ٹرانسپورٹ کمپنیاں بنانے کے لئے فوری اقدامات کئے جائیں۔عوام کو اچھی ٹرانسپورٹ دے کر انہیں مزید سہولتیں فراہم کریں گے