کوئٹہ (مانیٹرنگ ڈیسک) پی ایس ایل کے نمائشی میچ میں وہاب ریاض کی چھ گیندوں پر افتخار احمد نے چھ چھکے لگا دیے، سوشل میڈیا پر ان چھکوں کا چرچا ہے، اس سے قبل وہاب ریاض نے ایک ویڈیو میں ٹی ٹوئنٹی باؤلرز سے کہا کہ مجھے ایسا لگتا ہے کہ آپ کو بطور باؤلر پتہ ہونا چاہیے کہ آپ کی اسٹرینتھ کیا ہے اور کمزوری کیا ہے، آپ کو پتہ ہونا چاہیے کہ اگر آپ پاور پلے میں باؤلنگ کر رہے ہیں تو کیسی کرنی ہے، مڈل اوورز میں کیسی باؤلنگ کرنی ہے اور آخری اوورز میں گیند کر رہے ہیں تو حالات کو پرکھ کر گیند کرنی چاہیے، یہ ساری چیزیں آپ کو کھیل کر تجربے کے ساتھ پتہ چلتی ہیں۔ ٹی ٹوئنٹی کرکٹ میں آپ کو رنگ پڑیں گے لیکن آپ نے اچھا کرنے کے لئے کیا کرنا ہے آپ نہ بھولیں۔