حیدرآباد(نیوزڈیسک)بھارتی وزیر داخلہ راج ناتھ سنگھ نے ایک مرتبہ پھر ہرزہ سرائی کا مظاہرہ کرتے ہوئے کہاہے کہ پاکستان اورچین کو بھارت کی تیز ترقی ہضم نہیں ہورہی اوردونوں ممالک ملک کر بھارتی معیشت کو کمزور کرنے کے لئے اس کے اسٹریٹجک اور اہم تنصیبات کو نقصان پہنچانے کی سازش رچارہے ہیں،بھارتی اخبار کے مطابق گزشتہ روز بھارتی وزیرداخلہ راج ناتھ سنگھ نے نے یہاں قومی صنعتی سیکورٹی اکیڈمی میں مرکزی صنعتی سیکورٹی فورس کے اسسٹنٹ کمانڈو اور سب انسپکٹرزکی کانووکیشن پریڈ کے بعد کہاکہ میں یقین سے کہہ سکتاہوں کہ بین الاقوامی برادری میں بھارتی معاشی ساکھ میں اضافہ ہوا ہے ،انہوں نے کہاکہ بھارت کا شماردنیا کی سب سے بڑی ابھرتی ہوئی معاشی طاقتوں میں ہورہاہے اوربھارت اگلے پانچ سے آٹھ سال میں سات ہزارارب کی معیشت بننے کے لئے تیار ہے جو کہ موجودہ وقت میں دو ہزار ارب ہے،بھارت مخالف طاقتیںخصوصاپاکستان اورچین اس ترقی کوہضم نہیں کرپارہیںاور وہ بھارت کے اہم اسٹریٹجک اور حساس تنصیبات کو نقصان پہنچانا چاہتی ہیں۔