تہران(این این آئی )ایران کی بڑھتی ہوئی عالمی تنہائی اورسپاہِ پاسداران انقلاب (آئی آر جی سی)یا اس کے کچھ ارکان کے خلاف یورپی یونین کی ممکنہ پابندیوں کے بعد امریکی ڈالرکے مقابلے میں ایرانی ریال کی قدرمیں ریکارڈ کمی واقع ہوئی ہے۔

میڈیارپورٹس کے مطابق ایران کے مرکزی بینک کے گورنرمحمد رضا فرزن نے ریال کے زوال کا ذمہ دارنفسیاتی کارروائیوں کوقراردیا ہے جس کے بارے میں تہران کا کہنا ہے کہ اس کے دشمن ملک کو غیرمستحکم کرنے کے لیے منظم انداز میں کام کر رہے ہیں۔ایران کے سرکاری نشریاتی ادارے نے فرزن کے حوالے سے کہا کہ مرکزی بینک کوغیرملکی کرنسی،سونے کے وسائل اور ذخائر کے حوالے سے کسی پابندی کا سامنا نہیں مگرمیڈیا کی دھوکا دہی اور نفسیاتی کارروائیاں آزادانہ شرح تبادلہ میں اتار چڑھا کے اہم عوامل ہیں۔ایران کی غیرسرکاری مارکیٹ میں ڈالر 4 لاکھ 47 ہزارریال میں فروخت ہو رہا تھا جبکہ جمعہ کویہ 4 لاکھ 30 ہزار 500 ریال تھا۔