اسلام آباد (مانیٹرنگ ڈیسک )عمران خان نے جس موٹی ویشنل اسپیکر کو ملاقات کا وقت دیا اور الیکشن ٹکٹ دینے پر آمادگی بھی ظاہر کی اسی قاسم علی شاہ کو تحریک انصاف کے لیڈرز اور ٹرولز نے نشانے پر رکھ لیا۔نجی ٹی وی جیو نیوز کے مطابق پی ٹی آئی لیڈرز اور ٹرولرز کی جانب سے قاسم علی شاہ کو پہلے سوشل میڈیا پر ٹکٹ مانگنے اور سیاسی مخالفین کو معاف کرنے کا مشورہ دینے پر تنقید کا نشانہ بنایا گیا اب پی ٹی آئی رہنما عثمان ڈار نے کہا ہے کہ اگر انہیں قاسم علی شاہ کے سیالکوٹ چیمبر آنے کا پہلے پتا چل جاتا تو وہ اس شعبدے باز کا استقبال انڈوں اور ٹماٹروں سے کرتے۔قاسم علی شاہ نے کہا ہے کہ عمران خان کے گرد سارے جھوٹے لوگ جمع ہیں، تحریک انصاف میں انصاف نہیں ہے، پی ٹی آئی رہنماؤں کی جانب سے ان کے بچوں کو بھی نہیں بخشا جا رہا۔