ڈالر کی نایابی، قومی ترقیاتی منصوبے خطرے میں پڑگئے

اسلام آباد(مانیٹرنگ ڈیسک) ڈالرکی نایابی، روپے کے مقابلے میں قدر کا اضافہ نے پبلک سیکٹر ڈیولپمنٹ پروگرام کے تحت بڑے ترقیاتی منصوبوں کو شدید متاثر کیا ہے۔روزنامہ جنگ میں خالدمصطفیٰ کی خبر کے مطابق ان منصوبوں میں دیامربھاشا ڈیم اور مہمند ڈیم کے منصوبے بھی خطرے میں پڑ گئے۔ ان کے علاوہ عظیم تر آب رسانی منصوبہ کے۔4، وارسک کنال کی ری ماڈلنگ ، گوادر میں باسول ڈیم اور دیگر کو بھی تعمیر میں تاخیر کا سامنا ہے۔ اس سے زیادہ تشویشناک بات یہ ہے کہ مذکورہ منصوبوں کے کنٹریکٹرز نے عدم ادائیگی پرکام میں سست روی یا تعمیراتی کام ختم کرنے کےلیے نوٹس دینے شروع کر دیے ہیں۔ جس سے وقت کا ضیاع ہونے کے علاوہ لاگت میں بھی کئی گنا ا ضافہ ہو رہا ہے۔ گزشتہ چار پانچ سال کے دوران زرمبادلہ ذخائر میں تیزی سے کمی کی وجہ سے واپڈا اپنے ذمہ بقایا جات کی ادائیگی سے قاصر ہے ۔ دیامر بھاشا ڈیم کے چینی کنٹریکٹرز کو کچھ نہایت ضروری مشینری درآمد کرنا چاہتا ہے۔

موضوعات:ڈالر