اسلام آباد (مانیٹرنگ،این این آئی)عمران خان نے مدد کے لئے قانونی ٹیم شفا یوسفزئی کے گھر بھیج دی، بابر اعوان کا کہنا تھا کہ چیئرمین تحریک انصاف کی ہدایت پر میں اور علی اعوان خاتون صحافی اور ان کے خاندان سے اظہار یک جہتی کے لئے آئے ہیں۔ ان کا کہنا تھا کہ ہم ہر ممکن قانونی مدد فراہم کریں گے۔ واضح رہے کہ
پاکستان تحریک انصاف اسلام آباد کے صدر علی نواز اور ڈاکٹر بابر اعوان کی شفا یوسفزئی کے گھر پہنچے اور ان سے یکجہتی کا اظہار کیا۔پاکستان تحریک انصاف کے رہنما ڈاکٹر بابر اعوان نے میڈیا سے گفتگو کرتے ہوئے کہا کہ یہ ایک افسوس ناک صورت حال ہے اسلام آباد کے اندر پیدا کی جارہی ہے۔انہوں نے کہاکہ جب سے ر جیم چینج آئی ہے اس کے بعد سے یہ آپریشن کیا جا رہا ہے۔ انہوں نے کہاکہ اس وقت مغربی باڈر پر کے حالات ہمارے سامنے ہیں،اس وقت گورنمنٹ خون کے آنسو رو رہی ہے۔ انہوں نے کہاکہ آزاد کشمیر میں بھی ہمیں فتح ہوئی اسی طرح کچھ دن باقی ہیں اسلام آباد سے بھی بھاری اکثریت سے تحریک انصاف کی فتح ہو گی۔ انہوں نے کہاکہ دو عدلتوں میں کیس چل رہا ہے کس طرح جرنلسٹ کی پروٹیکشن کی جائے۔انہوں نے کہاکہ ینگ جرنلسٹ جو کام کر رہے ان پر حملہ تشویش ناک ہے ہماس کی بھر پور مذمت کرتے ہیں۔ انہوں نے کہاکہ کس نے حملہ کیا، حملے کے بعد کدھر گئے،سب کیمرے کی آنکھ میں محفوظ ہے۔دوسری جانب وزیر اعظم شہباز شریف کی اینکر پرسن شفا یوسفزئی کے گھر مسلح افراد کے زبردستی داخل ہونے اور ملازمین پر تشدد کا سخت نوٹس لیتے ہوئے آئی جی اسلام آباد سے رپورٹ طلب کرلی۔ جاری اعلامیہ کے مطابق وزیر اعظم نے کہاکہ واقعہ کی شدید مذمت کرتے ہیں، عوام کے جان و مال کا تحفظ اولین ذمہ داری ہے۔ وزیر اعظم نے ہدایت کی کہ ملزمان کا سراغ لگا کر قانون کے مطابق سخت سزا دی جائے۔وزیراعظم نے اینکر شفایوسفزئی اور ان کے والدین کے ساتھ یک جہتی کا اظہار کیا۔
